Siglir tar il cuntegn

Header

chasa communala cun ils tgaus dals quatter candidats.
Legenda: I va en ina segunda runda per il presidi da la Bregaglia. RTR / mad
cuntegn

Elecziun communala Necessari segund scrutini per presidi Bregaglia

Tgi che vegn a succeder ad Anna Giacometti a la testa da la vischnanca da la Bregaglia ils 1. da fanadur, n’è betg anc decis. Nagin dals quatter candidats n'ha cuntanschì la maioritad absoluta da 427 vuschs. Cun 371 è l’anteriur vicepresident da la vischnanca, Fernando Giovanoli il pli datiers.

Ils resultats da l'emprim scrutini:

Fernando Giovanoli, Stampa371
Maurizio Michael, Castasegna299
Marco Giacometti, Stampa95
Gianluca Giovanoli, Vicosoprano78

Il sez vacant en la suprastanza communala da la Bregaglia surprenda Stefano Maurizio da Borgonovo. El è vegnì elegì cun 478 vuschs en il gremi.

La presidenta en uffizi Anna Giacometti aveva communitgà da sa vulair retrair causa ch'il pensum sco sindaco ensemen cun quel sco cussegliera naziunala è daventà memia bler per la Bergiagliotta.

Il segund scrutini per il presidi da la Bregaglia per il temp d'uffizi 2020-2023 ha lieu ils 28 da zercladur 2020. Là vegn elegì quel cun las pli bleras vuschs.

Cler gea per credits

Ultra da quai han ils votants da la Bergiaglia approvà a l’urna in credit dad 1,5 milliuns per reconstruir Bondo ed in import da 550'000 francs per segirar la Val Maroz.

RTR novitads 14:00

Artitgels legids il pli savens

Scrollar a sanestra Scrollar a dretga