Siglir tar il cuntegn

Header

audio
Bravuogn/Filisur: iniziativa da vischnancas cunter exzonaziuns
Or da Actualitad dals 18.12.2023. Maletg: MAD
laschar ir. Durada: 3 minutas 41 Secundas.
cuntegn

Via politica nunusitada Iniziativa da las vischnancas per spazi d'abitar

Quant spazi che dastga vegnir nizzegià en ina vischnanca per bajegiar definescha la Confederaziun cun la lescha naziunala davart la planisaziun dal territori – quai sin basa da las prognosas da l'uffizi per statistica davart dal svilup da la populaziun en ina vischnanca.

Per tschertas vischnancas en il Grischun chaschuna quai dentant bloccadas ed il quint giaja betg si, quai di era Luzi Schutz il president da la vischnanca Bravuogn/Filisur. Perquai vulan pliras vischnancas ch'i dettia dapli criteris. Per exempel: la statistica dad abitaziuns vidas u la demografia.

Nova via politica per il Grischun

Perquai vulan pliras vischnancas inoltrar ina iniziativa da vischnancas. Quella vegniss lura sco emprim tractada sin nivel chantunal e sche quella survegniss glisch verda, lura mass ella sco iniziativa dal chantun a Berna. Per far ina iniziativa da vischnancas sto questa iniziativa vegnir sustegnida dad 1/8 da las vischnancas. Pia almain 13 da 101 vischnancas dal chantun Grischun. Actualmain sajan tenor Luzi Schutz 15 vischnancas da la partida. Enfin qua hai anc mai dà questa via politica, perfin la chanzlia chantunala na sa anc betg precis sche il Cussegl Grond u la populaziun decida, han els communitgà envers il schurnal regiunal dad SRF.

RTR actualitad 17:00

Artitgels legids il pli savens