Siglir tar il cuntegn

Header

video
Il WEF e ses dispositiv da segirtad
Or da Telesguard dals 12.01.2024.
laschar ir. Durada: 2 minutas 8 Secundas.
cuntegn

WEF a Tavau Dispositiv da segirtad è pront

Il dispositiv da segirtad dal WEF a Tavau sto esser pront quest onn in di pli baud ch'usità. La raschun è la conferenza da l'Ucraina ch'è gia la dumengia – in di avant ch'il WEF sco tal cumenza. Perquai è er il spazi aviatic sur Tavau gia vegnì serrà. Ils posts da controlla sin via vers Tavau vegnan en funcziun a partir da dumengia.

Bleras persunas che dovran spezialmain protecziun

Il spazi aviatic è gia vegnì serrà il venderdi. Questas mesiras supplementaras stoppian ins prender, perquai che quest onn vegnan bleras persunas che stoppian vegnir protegidas spezialmain. Tranter auters vegnan ils presidents Wolodymyr Selenski da l'Ucraina, Emmanuel Macron da la Frantscha ed Isaac Herzog da l'Israel a Tavau.

En tut èn vegnids construids 52 kilometers saiv da protecziun. La polizia vegn sustegnida da radund 5'000 persunas da l'armada. Ils custs supplementars per la segirtad muntan tenor la Confederaziun a radund 9 milliuns francs.

audio
WEF: las mesiras da segirezza
ord Actualitad dals 12.01.2024. Maletg: Keystone
laschar ir. Durada: 2 minutas 22 Secundas.

Temperaturas bassas procuran per midadas tar la schuldada

Cunquai che las prognosas da temperaturas a Tavaun èn era per la proxima emna bassas han ils schuldads pli curts temps da servetschs sind ils posts d'oberservaziun. Empè dad in'ura sa reduceschia il temp sin 20 enfin 30 minutas. Uschia possian ins garantir che l'attenziun è adina sin in nivel aut.

RTR novitads 12:00

Artitgels legids il pli savens