- La regenza grischuna ha lubì sustegns finanzials per differents projects. Tranter auter per la correcziun da l'aual «Ovel da la Resgia» sin territori da San Murezzan. Cun passa 900'000 francs è quai la gronda contribuziun en quest pachet. L'entir project custa total 4,6 milliuns francs. La segund gronda contribuziun va en favur da la via d'avertura per il guaud chantunal Zavragia sin il territori da Trun – quai cun bunamain 700'000 francs.
- La maioritad da las chamonas da SAC en il Grischun n’ha actualmain nagins problems cun ina mancanza d'aua. Quai malgrà las temperaturas autas da las ultimas emnas e la pauca naiv en las muntognas. Tenor ina retschertga da RTR saja la situaziun d’aua en las chamonas buna u fitg buna.
- A Tavau dat il spazi d'abitar da discurrer. La suprastanza na vul betg mo stgaffir novas abitaziuns per indigens mabain er evitar che abitaziuns pli veglias vegnan stgarpadas giu e remplazzadas cun novas segundas abitaziuns – quai ch'è lubì tenor lescha da segundas abitaziuns. La regulaziun persuenter sto però anc vegnir elavurada e passar tras il process politic. Per che betg tut las abitaziuns existentas svaneschan en quest temp ha la regenza relaschà ina zona da planisaziun.
- Tschertgà n'è il Grischun betg mo tar ils segund indigens mabain er tar ils giasts da vacanzas. Tenor cifras dal chantun han 4% dapli persunas pernottà il matg en il Grischun cumpareglià cun il medem temp da l'onn passà.
- La plaiv evangelica da la Cadi sto tschertgar in nov plevon. Christoph Zingg banduna la Surselva sin la fin da favrer 2026 e mida en l'Engiadin'Ota.
- Ils detaglists n'èn betg cuntents cun las cumissiuns ch'i han da pajar a Twint. Perquai ha l'Associaziun dals commerziants en detagl denunzià la firma tar la Cumissiun da concurrenza WEKO. La renfatscha: Twint maldovria sia pussanza ed incasseschia taxas memia autas.
Il di en survista
Themen in diesem Newsticker
- Euro 2025: Pari 1:1 tranter il Portugal e l'Italia
- Arrestà a Francfurt ina dunna tschertgada da autoritads svizras
- L'aczia da Tesla perda
- Euro 2025: Spagna gudogna er segund gieu cun 6:2 cunter la Belgia
- USA: 25% dazis sin imports da Giapun e Corea dal Sid
- Maja Riniker visita l'Ucraina
- Ursula von der Leyen sa defenda
- Tim Merlier gudogna la 3. etappa dal Tour de France
- Grischun: chamonas da SAC han anc avunda aua
- Per furar il tunnel dal Gottard sto vegnir siglientà