- Ils campiunadis mundials da freestyle dal 2025 en l'Engiadina avevan en ses quint provisoric scrit in deficit da 4,7 milliuns francs. Ussa communitgescha l'uniun purtadra d'avair pudì serrar ils quints e schliar l'uniun.
- La regenza surdat il Premi grischun da cultura 2026 a l'artista Katharina Vonow. Cun il premi undreschia la regenza la vita e l' ovra ritga da l’artista da Rodels, hai num en ina communicaziun.
- A Breil ha brischà in chasa ed in clavà la mesemna suentermezdi. Tar l'incendi èn trais persunas vegnidas blessadas, ha la Polizia chantunala grischuna communitgà. La chasa è vegnida destruida cumplainamain.
- La Posta Svizra ha fatg l’onn passà in gudogn da 315 milliuns francs. Cumpareglià cun l’onn avant saja quai in minus da 20 milliuns francs. Quai ha communitgà la Posta da sia conferenza da medias a Berna.
- Matej Stransky banduna il HCD anticipadamain per la fin da questa stagiun per motivs famigliars. Quai ha communitgà il club. Il contract che fiss stà valaivel fin il 2027 vegnia schlià en enclegientscha vicendaivla. En la stagiun actuala è il chapitani dal Club da Hockey Tavau stà il segund meglier scorer. Stransky turnia en sia patria – la Tschechia.
La survista dal di
Themen in diesem Newsticker
- HC Partenz-Signuradi è campiun da la Svizra Orientala
- Parlament dal Vallais vul assicuranza d'edifizis chantunala
- Attatga sin sinagoga datiers da Detroit
- Staziun da Casti vegn renovada
- 3'000 cudeschs da biblioteca da Basilea donnegiads
- Attatgà 6'000 miras da l'Iran
- Consolaziun per la fundaziun da Crans-Montana
- Noe Näff è vegnì 9avel en il sprint dals umens a Drammen
- Protecziun cunter incendis: Cuira controllescha tut las scolas
- Passlung: Fähndrich terza en il sprint