La regenza surdat il Premi grischun da cultura 2026 a l'artista Katharina Vonow. Cun il premi undreschia la regenza la vita e l' ovra ritga da l’artista da Rodels, hai num en ina communicaziun. Il premi è dotà cun 30'000 francs. Katharina Vonow è cunzunt enconuschenta sco fotografa e fotoreportadra. Plinavant haja ella er malegià, dissegnà ed instruì.
Sper il premi principal surdat la regenza ulteriurs otg premis da renconuschientscha e tschintg premis da promoziun da mintgamai 20'000 francs.
Premis da renconuschientscha van a:
- Maria Dietrich-Kienberger (1952), Felix Dietrich (1950), Urs Kienberger (1950), hoteliers, promoturs ed organisaturs d'occurrenzas culturalas en il Waldhaus a Segl Maria
- Jachen Erni (1946), musicant e perscrutader da musica populara, Scuol
- Luciano Fasciati (1960), gallarist / curatur, Cuira
- Alessandra Jochum-Siccardi (1968) e Pierluigi Crameri (1962), persunas da museum, Valposchiavo
- Mario Pacchioli (1981), musicist, Losanna, Frantscha e Rabius
- Priska Roth (1975), istoricra, Soglio / Haldenstein
- Maurice Steger (1971), musicist, Landquart / Turitg
- Tessanda Val Müstair, artistas da tessaria, Sta. Maria Val Müstair
Premis da promoziun van a:
- Davina Andrea Deplazes (1999), artista, Surrein
- Simon Gabriel (2008), musicist, S-chanf
- Teater Giuven Grischun (fundà il 2011), Cuira
- Anna Stricker (2002), sautunza, Tavau
- Cilgia Zangger (1998), illustratura, Silvaplauna / Lucerna