- Il cusseglier naziunal dal Vallais, Philipp Matthias Bregy, è il nov president dal Center svizzer. Sia elecziun valeva plitost sco formalitad, cunquai ch'el era il sulet candidat. El succeda a Gerhard Pfister ch'era durant 9 onns il president.
- Ils delegads e las delegadas da la partida liberaldemocrata pretendan in stop d'engaschar persunal per la Confederaziun. Il stadi engaschia mintg’onn dapli persunal, fertant ch’i manchia en l'economia privata persunas spezialisadas. Il stop duai er evitar che la populaziun sto pajar dapli taglia.
- L'avat da Saint-Maurice, Jean Scarcella, sa retira, sco la claustra ha communitgà. Tenor in rapport ch’è vegnì publitgà l'emna passada haja dà sur decennis maldiever sexual en differentas fassettas a Saint-Maurice. L’instituziun agi buc reagau avunda ferm e per part zuppentau igl abus.
Il di en survista
Themen in diesem Newsticker
- Dieschmillis han protestà cunter la regenza serba
- Noe Ponti va per segunda victoria en il nudar da delfin
- Häberlin fa emprima tar la cursa da velo sin via
- Budapest: Millis persunas fan part a la Pride-Parade betg lubida
- Privel da chalira 3 da 4 per grondas parts da la Svizra
- Liberaldemocrats vulan pli paucs emploiads dal stadi
- Accident da helicopter en il Vallais
- Center è cunter taglia individuala e cunter iniziativa da la JUSO
- Rapport da maldiever: Avat da Saint-Maurice sa retira
- Philipp Bregy elegì sco nov president dal Center
In sguard enavant
La dumengia decida San Murezzan davart ina contribuziun supplementara da 5 milliuns francs per la renovaziun da l'eroport da Samedan – quai perquai che la vischnanca profiteschia pli fitg ch'autras da l'eroport. Cunquai ch'igl è tenor la clav da partiziun gia previs che San Murezzan paja la pli gronda part vi da la renovaziun, ha quella summa supplamentara dà da discutar. Il davos pled en chaussa ha pia il pievel.