- La chamonna Cluozza a Zernez ha survegnì il premi dal public dal Prix Montagne ch'è dotà cun 20'000 francs. Ils responsabels da la suletta chamonna en il Parc Naziunal Svizzer vegnan undrads surtut pervi dal concept da persistenza ch'è unic.
- Ladina Christoffel è nominada per il Prix Courage che vegn surdà mez november da la revista «Beobachter». Ella è anteriura schefmedia da la clinica da dunnas a l'Ospital regiunal da l'Engiadin’Ota a Samedan. Ladina Christoffel ha cumbattì las cundiziuns da lavur difficilas e las violaziuns cunter la lescha da lavur.
- La Fundaziun per il provediment da sanadad, SGO ha ina nova presidenta, Selina Nicolay. Ella è presidenta communala da Bever e deputada en il Cussegl Grond. Ella succeda a Cristian Brantschen ch’è sa retratg en vista a la fin da ses temp d'uffizi sco president communal da Schlarigna.
- A Sagogn è sutdotada la suprastanza communala pervia d'ina terza demissiun. En suprastanza èn anc duas persunas. Perquai ha il chantun nominà sco sustegn chantunal l'anteriur president communal da Lumnezia, Duri Blumenthal sco cumissari.
- Cuira schlargia sia executiva da 3 sin 5 cussegliers e cusseglieras da la citad. Quai ha decis il parlament cun refusar la proposta da la suprastanza da restar tar 3 commembers e commembras. La suprastanza sto ussa pia elavurar in messadi per schlargiar il gremi sin 5 persunas.
Themen in diesem Newsticker
- ZSC Lions sin buna via vers playoffs
- Washington sa defenda cunter staziunament da la garda naziunala
- Giuven ciclist spagnol è victur da la 12avla etappa
- En il Kongo èn mortas 15 persunas pervi da la fevra d'Ebola
- Plirs tschient trens na curseschan betg pervi da chauma
- Persuna svizra tranter las unfrendas da l'accident a Lissabon
- Easyjet stritga sgols davent da Basilea
- Garanzias da segirtad da 26 pajais per l'Ucraina
- Duas medaglias da mountainbike per la Svizra
- Parlament vul almain tschintg sezs en la suprastanza