- La Cumissiun dal Cussegl grond per economia e taxas ha predeliberà la missiva da la regenza tar la revisiun parziala da la Lescha da taglia. La maioritad da la cumissiun na veglia betg augmentar l’import liber da la taglia. I na sa tractia numnadamain betg d’ina mesira sistematica. Il Cussegl grond vegn a tractar il project en la sessiun d’avust.
- La regenza grischuna ha approvà plirs projects per la protecziun cunter privels da la natira e concedì differentas contribuziuns per quest intent. Tranter auter duaja la segirezza cunter lavinas vegnir augmentada sin la via dal Pass dal Fuorn cun 742'000 francs. Ils custs totals importan bunamain in milliun francs.
- Perquai che la SRG/SSR sto spargnar, concentrescha ella pliras spartas da l'interpresa. En l'avegnir datti per exempel mo pli ina partiziun da sport per l'entira interpresa e betg pli sco enfin qua ina per mintga singula regiun linguistica. Il medem vala per la partiziun ficziun, ma er per las spartas finanzas, persunal ed IT. Enfin il 2029 sto la SRG/SSR spargnar 270 milliuns francs – quai ch'èn 17% dal preventiv.
Il di en survista:
Themen in diesem Newsticker
- Guerra a Gaza avant ina fin
- Tennis: Golubic out suenter emprima runda da Wimbledon
- Samedan: glisch verda per nov hotel ed emprimas abitaziuns
- Mustér: Acla da Fontauna ha in onn retard
- Via tranter Preda ed Alvra serrada pervia da bova
- L'Hotel Paradies a Ftan resta vinavant serrà
- St. Niklaus: bova en il Vallais
- Vital Albin daventa terz al Bike Revolution 2025 a Tavau
- Tennis: Medwedew out a Wimbledon
- Iran: passa 900 morts durant la guerra da 12 dis