- A partir da gievgia vulan ils Stadis Unids pretender in dazi da 39% per tuts imports svizzers. Quai pertutga er il Grischun, nua che cnapp 15% dals exports van direct en ils Stadis Unids. Il minister d'economia grischun, Marcus Caduff, saja dentant persvadì ch'il Cussegl federal vegnia anc da reducir quest dazi. Uss saja il pli impurtont da tegnair ensemen.
- Ils dazis che Trump aveva annunzià il venderdi saira han il glindesdi baud chaschunà in pitschen schoc a la bursa svizra. Il SMI è crudà per 1,8%. En il decurs dal di è quel dentant puspè sa stabilisà tar in minus da radund 0,5%.
- Il Cussegl federal vul cuntinuar las tractativas cun ils Stadis Unids. Els hajan elavurà novas propostas anc pli attractivas, hai gì num suenter la sesida extraordinaria. Co quellas vesan ora n'è betg enconuschent.
- La stad passada avevan dus delinquents d'asil pitgà e spidà sin in giuven gidieu ortodox a Tavau. In dals umens ch'aveva fatg recurs cunter il chastì da 2 mais praschun sto ussa tenor la procura publica forsa ir per 6 mais en praschun.
Themen in diesem Newsticker
- 6'451 chavrielins èn vegnids salvads grazia a dronas
- Attatgader da la NHL daventa part da Genevra-Servette
- Pliras colliaziuns da l'Eurostar èn stritgadas
- Chantun al vul sajettar: Luf ha stgarpà asen a Mesocco
- Svizra vul cuntinuar a contrahar cun ils Stadis Unids
- Traffic na culla strusch al Gottard – ni ensi, ni engiu
- Prozess cunter attentaders da Moscau ha cumenzà
- Success da razzia cunter mafia chinaisa en l'Italia
- Basilea frunta u sin Malmö ni sin Copenhagen
- Process per avair pitgà ed insultà in giuven gidieu a Tavau