- L'anteriur cusseglier guvernativ dal Grischun, Christian Rathgeb ed il CEO da Grischun Vacanzas, Martin Vincenz bandunan il cussegl d'administraziun da la San Bernardina Swiss Alps. Quai ha l'interpresa da l'investur tessinais communitgà. Rathgeb e Vincenz hajan cunzunt gidà en la fasa iniziala da crear contacts en la politica e cun instituziuns. La San Bernardino Swiss Alps vul investir fin ad ina mesa milliarda francs en il lieu ed uschia puspè dar vita a la destinaziun turistica.
- Far fain e segar las dumengias e da firads para dad esser pli e pli derasà ed acceptà. Quai mussan retschertgas da RTR. La lescha chantunala scumonda da princip lavurs agricolas la dumengia e da firads sche la racolta n'è betg periclitada. Realisar la lescha ston però las vischnancas. Propi restrictivas èn quellas dentant be sch'i va per metter puschina e grascha. Far fain e segar vegn per il pli tolerà.
- Quest onn han ils glatschers svizzers cumenzà a lura ils 4 da fanadur. Quai vul dir che la cuverta da naiv ed il glatsch ch'i ha dà da nov durant l'enviern èn luads ed il glatsch pli vegl cumenza a luar. Tenor la Rait da mesiraziun da glatschers svizra – Glamos – è quest di stà anc pli baud be il 2022. Lezza giada han ils glatschers gia cumenzà a perder volumen ils 26 da zercladur.
- Tant en il Grischun sco er en l'entira Svizra hai dà il zercladur pli paucas persunas senza lavur. En il Grischun eran quai anc 1'160 persunas, en Svizra var 127'000. Quai correspunda a quotas da 1,1% en il Grischun e 2,5% en Svizra. Las pli bleras persunas senza lavur en il Grischun derivan or dals secturs da hotellaria e commerzi en detagl.
Il di en survista
Themen in diesem Newsticker
- Tunnel dal Gottard puspè avert
- Euro 2025: Germania gudogna cun 2:0 cunter la Pologna
- Beachvolley Gstaad: I vegn al duel svizzer tar las dunnas
- Uefa sancziunescha plirs clubs cun summas da milliuns
- Savognin: Ginia Caluori machenta podest
- Euro 2025: Svedaisas battan Danemarc cun 1:0
- Nudar en la Seine è puspè pussaivel
- La cumpra da dronas ballucca
- Selenski e Trump han telefonà suenter attatgas russas intensivas
- Minimar ils ristgs tar la cumpra da l’aviun F-35
I spetga ina fin d'emna sportiva
- A Savognin cumenzan il venderdi ils cumbats per ils titels da campiun e campiunessa da mountainbike.
- A Zernez cumenza la fin d'emna dal maraton da velo cun il prolog.
- A Gstaad cuntinuescha il turnier da beachvolley ed en ils gronds stadions da ballape vai vinavant cun la fasa da gruppa dalla Euro 2025.