L'iniziativa da tgira è vegnida approvada dal suveran cun 61% da las vuschs. Cun quai è l'iniziativa sin plazza set da las iniziativas cun il pli bler success, dapi ch'i dat iniziativas. Er la participaziun è stada cun 65,3% en ils top 10 da tuttas votaziuns. Dals chantuns ha sulettamain l'Appenzell Dadens ditg Na. Approvà il pli cler l'iniziativa ha il chantun Basilea-Citad cun prest 67%.
Iniziativa da tgira
Svizra: Iniziativa da tgira
-
GEA
2'161'080 Vuschs
-
NA
1'382'977 Vuschs
Vuschs dals chantuns
- GEA
- Na
Cler sustegn per la tgira en il Grischun
Il Grischun ha approvà cleramain l'iniziativa da tgira, cun passa 61% da las vuschs. Sulet ina vischnanca refusa quella, numnadamain Rossa, cun 52% da las vuschs.
Cunquai che l'iniziativa è vegnida acceptada, na vegn la cuntraproposta ch'il Cussegl federal ha elavurà bet en funcziun. Dentant vegni a cuzzar pli ditg enfin che l'iniziativa po vegnir realisada, damai ch'il parlament sto anc elavurar co realisar l'iniziativa en detagl.
L'iniziativa da tgira
L’iniziativa pretenda che la Confederaziun ed ils chantuns promovan la tgira sco element impurtant dal provediment da sanadad en Svizra. I duai dar avunda persunal qualifitgà, las cundiziuns da lavur duain vegnir regladas e las clamadas duain esser attractivas.
Per il Cussegl federal va l’iniziativa memia lunsch. El aveva perquai elavurà ina cuntraproposta indirecta che vuleva surtut promover la scolaziun e furmaziun. Quella cuntraproposta fiss ida en vigur sch’il pievel avess refusà l’iniziativa.
