Siglir tar il cuntegn

Header

video
Marina Jamnicki prenda posiziun davart vaccinar en scola
Or da Telesguard dals 30.09.2021.
laschar ir
cuntegn

Media chantunala Jamnicki «Er en scola duai esser pussibel da sa laschar vaccinar»

Il chantun vul davent da immediat er vaccinar en scolas superiuras. Quai ha la media chantunala grischuna, Marina Jamnicki ditg ad ina conferenza da medias. Mintga scola che veglia, possia er s'annunziar tar il chantun per la vaccinaziun. Marina Jamnicki punctuescha dentant che mintga scolar e mintga scolara sappia e duaja decider sez sch'el veglia schar dar la virola u betg.

audio
Jamnicki: «Tgi che vul, duai er savair sa laschar vaccinar en scola»
00:25 min, RTR Audio dals 30.09.2021.
laschar ir. Durada: 00:25 minutas.

In sforz n'existia però betg. Ils uffants da la scola superiura duajan dentant, a moda simpla, survegnir questa pussaivladad. Stan actual èn 18% dals uffants e giuvenils en il Grischun virolads encunter il coronavirus.

Critica envers l'intent dal chantun

Survegnir la virola – spontan e nuncumplitgà. Uschia l'intent. Avant radund duas emnas ha il chantun fatg offertas a las scolas superiuras da schar virolar uffants davent da 12 onns directamain en scola. La purschida ha aber procurà tar singuls geniturs per grondas agitaziuns. Uschè grondas che la media chantunala ha oz prendì posiziun.

audio
Vaccinar en scola dat discussiuns
02:32 min, Actualitad dals 30.09.2021.
laschar ir. Durada: 02:32 minutas.

RTR novitads 12:00

Artitgels legids il pli savens

Scrollar a sanestra Scrollar a dretga