Siglir tar il cuntegn

Header

cuntegn

Corona en scolas ed opitals Il coronavirus è sa darasà en las scolas ed emplaina ospitals

Suenter las vacanzas saja il coronavirus sa darasà en las scolas ed en l'ospitals manchian ils letgs intensivs. Quai diTanja Stadler, la presidenta da la Task Force scientifica da la Confederaziun a la conferenza da pressa mardi suentermiezdi.

Ch'il virus circuleschia fetg a l'entschatta da l'onn da scola na saja betg ina surpresa senza conzepts da schurmetg. Ma ils uffants na piteschian betg mo da las mesiras da schurmetg, mabain era da las restricziuns suenter in'erupziun dal virus en scola.

Vinavant vegnia la situaziun dals ospitals svizzers pli e pli critica, malgrà ch'il dumber da las infecziuns novas stagneschia. Intginas regiuns da la Svizra tudestga n'hajan strusch pli letgs intensivs libers, di Tanja Stadler. Tar in quart da tut las persunas malsaunas da covid sin las staziuns intensivas sa tractia da glieud gist turnada da las vacanzas.

58% da la populaziun svizra saja vaccinada almain ina giada. Cun il progress actual dad 1% per emna sajan nus da Nadal là nua che la Frantscha saja oz e primavaira proxima là nua ch'il Portugal saja oz.

audio
Per tadlar curt e cumpact
01:09 min, RTR Audio dals 07.09.2021.
laschar ir. Durada: 01:09 minutas.

RTR novitads 16:00

Artitgels legids il pli savens

Scrollar a sanestra Scrollar a dretga