Siglir tar il cuntegn

Header

cuntegn

Nov model da calculaziun Sbassar il ristg da blessuras per atlets da freestyle

In nov model da calculaziun gida da reducir il ristg da blessuras tar atlets ed atletas dal slopestyle e dal big air. Durant dus envierns han scienziads da l'Institut per la perscrutaziun da la naiv e da las lavinas a Tavau (SLF) analisà sin duas pistas da test passa 200 cursas da freestylers. Els han scuvert co differentas cundiziuns da naiv influenzeschan la spertadad avant sigls dal slopestyle e dal big air. Il studi publitgà en ina revista dal fatg duai gidar da construir installaziuns da naiv pli segiras.

Per atlets ed atletas da freestyle èsi impurtant da siglir cun la spertadad correcta per sa tschentar en l'uschenumnà «sweet spot», la zona cun il risico il pli pitschen per blessuras. Las cundiziuns da naiv pon midar da di tar di, ma era entaifer d'in di marcantamain. Il nov model dal SLF lubescha da predir la spertadad dals atlets tenor las cundiziuns da naiv. Uschia possian organisaturas da concurrenzas da freestyle decider cu ch'i saja il meglier temp per cumenzar la cursa.

RTR novitads 11:00

Artitgels legids il pli savens

Scrollar a sanestra Scrollar a dretga