Siglir tar il cuntegn

Header

cuntegn

Nov studi Tge muntada ha il turissem per l'economia grischuna?

Cler: Il turissem è in impurtant factur economic en il Grischun. Betg enconuschent è dentant, co i ves'ora en detagl en las differentas regiuns.

L'Uffizi per economia e turissem vul perquai sclerir tranter auter las dumondas:

  • danunder ch'ils giasts vegnan,
  • quant ditg ch'els restan
  • e per tge ch'els dattan ora ils daners.

Per survegnir resultats cumparegliabels sin plaun regiunal e chantunal duain en tut 15 regiuns vegnir analisadas. La finamira è da mussar l'impurtanza economica dal turissem e sia correlaziun cun l'economia regiunala, scriva il chantun.

Intervistas entschaivan quest onn

Il zercladur 2022 entschaivan las intervistas cun ils giasts. Quellas duain dar infurmaziuns davart la structura dals giasts, las expensas dals turists dal di e dals turists che stattan sur notg. Intervistadras ed intervistaders ch’enconuschan bain il lieu vegnan a far intervistas curtas cun giasts da la Svizra e da l'exteriur.

Questas intervistas fan els durant la stagiun da stad – dal zercladur fin a l'october – e durant la stagiun d'enviern – dal december fin l'avrigl. Era indigens vegnan dumandads, perquai ch'els utiliseschan era ils lieus da recreaziun. L'elevaziun dura fin la stad 2023.

audio
Per tadlar: curt e cumpact
aus RTR Audio vom 07.04.2022.
abspielen. Laufzeit 55 Sekunden.

RTR novitads 11:00

Artitgels legids il pli savens

Scrollar a sanestra Scrollar a dretga