Siglir tar il cuntegn

Header

cuntegn

Obligatori da sa registrar Tgi ch'è scolà en la tgira e na lavura betg – ha da s'annunziar

Per pudair stuppar rusnas eventualas da persunal pervia da l'unda d'omicron, metta en vigur il chantun in obligatori da s'annunziar per persunas scoladas en il sectur da sanadad che lavuran il mument betg ubain en in auter mastergn.

audio
Per tadlar curt e cumpact
ord RTR Audio dals 11.01.2022. Maletg: Keystone
laschar ir. Durada: 1 minuta 3 Secundas.

Tge effect che l'unda d'omicron ha exact sin ils ospitals saja il mument anc grev da dir, uschia il minister da sanadad Peter Peyer. Las staziuns intensivas sco er las autras partiziuns sajan anc adina occupadas fitg. Augmentar capacitads na saja betg pussaivel, perquai ch'i na dettia betg dapli persunal, uschia Peyer. Sper quai stoppian ins er empruvar d'evitar che memia bler persunal da tgira crodia or il medem mument, pervia da malsogna ubain quarantina.

Obligatori da s'annunziar per persunas dal fatg

Per pudair gidar or en cas d'urgenza ha la regenza grischuna uss decis che persunas ch'èn scoladas en il sectur da tgira e lavuran betg ubain en in auter sectur, ston s'annunziar. Cun questas persunas supplementaras quinta il chantun da crear in zic spazi d'agir, sche l'unda actuala chaschunass stretgas da persunal.

S'annunziar ston tut las persunas dal sectur da tgira cun domicil en il Grischun che na lavuran betg en lur professiun e na fan betg part d'ina gruppa da ristga sa registrar.

L'obligatori vala per las suandantas scolaziuns

Avrir la box Serrar la box
  • spezialista/spezialist da sanadad

  • attest da qualificaziun en la tgira pratica da persunas malsaunas da la Crusch Cotschna Svizra
  • tgirunza diplomada/tgirunz diplomà ND I
  • diplom: tgirunza/tgirunz TGM/TCM/UPP/TPsi (tgira generala/tgira communala/tgira d'uffants, pagliolancas e pops/tgira psichiatrica)
  • tgirunza/tgirunz da sanadad e da tgira da malsauns ND II
  • tgirunza diplomada/tgirunz diplomà SSS
  • PHD Nursing Science
  • Master of Science in Nursing (MSN)
  • Master of Science en tgira (MScN) SAS
  • tgirunza/tgirunz SAS (Bachelor of Science in Nursing [BScN])

Questa obligaziun saja pussaivla sin basa da la lescha da sanadad, communitgescha la regenza. Quel saja ussa necessari, perquei ch'i saja da quintar ch'il sistem da sanadad vegnia als cunfins cun la creschientscha d'infecziuns ch'ins quinta cuntut las proximas emnas. Cun ina tala creschientscha quintan era ils experts da la task force federala cunter il coronavirus.

RTR novitads 17:00

Artitgels legids il pli savens