Siglir tar il cuntegn

Header

cuntegn

Pendicularas grischunas Passa 40% dapli entradas en cumparegliaziun cun l'onn avant

Dapi l'entschatta da la stagiun d'enviern enfin la fin schaner han las pendicularas grischunas registrà prest 41% dapli emprimas entradas cumpareglià cun l'onn passà.

Er cumpareglià cun la media da 10 onns è il dumber d'emprimas entradas s'augmentà per 16%. Quai demussa il monitoring da las Pendicularas grischunas. Sco las pendicularas scrivan saja quai d'attribuir tranter auter a las bunas cundiziuns cun blera bell'aura, als giasts svizzers che na veglian pervi da las malsegirtad pandemica betg ir a l'exteriur, ma er perquai che giasts da l'UE sajan per part turnads.

Grazia al resultat fin ussa sajan las pendicularas er fitg optimisticas per las vacanzas da sport durant il favrer. Euforics na sajan ins dentant tuttina betg, quint fetschian ins numnadamain pir a la fin da la stagiun.

Ord l'archiv

Gia l'entschatta schaner aveva il president da las pendicularas grischunas, Martin Hug, communitgà ch'ins saja cuntent cun il temp da festa e nodia cifras sco avant corona.

video
Las pendicularas grischunas nodan puspè cifras sco avant corona
Or da Telesguard dals 03.01.2022.
laschar ir. Durada: 1 minuta 16 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga