Gea a la lètg per tuts. Questa parola ha la partida verdliberala dal Grischun prendì a sia radunanza da commembras e commembers unanimamain. Quai n'è betg fitg surprendent, pertge il 2013 avevan ils verdliberals lantschà questa iniziativa en il cussegl naziunal.
Igl è indegn al stadi da dretg d'avair differentas leschas per persunas omo ed eterosexualas.
Er unanimamain dian ils verdliberals na a l'iniziativa 99%. Quella na mainia betg a la finamira, uschia l'argumentaziun. Interessant è però – tar 12 vuschs Na a l'iniziativa hai er dà 6 abstenziuns.
Sur da las duas fatschentas decida il suveran svizzer ils 26 da settember.