Durant l'emprima mesadad da l'october hai dà duas attatgas da lufs sin vadels, quai ha communitgà l'Uffizi da chatscha e pestga dal Grischun. Ils 3 d'october han ins chattà sin il territori da Mustér in vadè crappà. Las retschertgas hajan mussà ch'el saja crudà d'ina costa giuadora pervia d'ina attatga dal luf. Ils 7 d'october ha in luf blessà in vadè ad Andeer – quai en il territori dal triep dal Beverin. Tar il terz vadè, in novnaschi a Claustra n'èsi betg cler sch'il luf ha stgarpà el u sch'il vadè era già crappà cura ch'il luf ha chattà el.
L'Uffizi chantunal da chatscha e pestga fa mintgamai rapports mensils davart la derasaziun e incidents cun animals da rapina gronds.