Las scolas da talents en Grischun han tantas annunzias sco anc mai. Tut en tut èn 148 scolaras e scolars s’annunziads. Quai scriva l'Uffizi per la scola populara ed il sport. 121 persunas èn vegnidas admessas als examens, ch'han lieu oz venderdi.
La gronda maioritad da las annunzias pertutgan il sectur da sport, quai cun 138 candidatas e candidats. Diesch annunzias hai dà per la sparta da musica.
Il Grischun ha classas da talent a Champfèr, Cuira, Glion e Tavau.
Ord l'archiv:
Il 2019 ha il Battaporta a chaschun da 10 onns scola da talents Glion fatg ina visita a dus anteriurs scolars per chattar ora co ch'els han persequità ina carriera sportiva.