Sco er en auters pajais s’augmenta en Svizra il dumber da cas da la virola da schimgias. Tenor las cifras pli actualas datti 240 cas en Svizra. Fin uss na datti dentant anc nagin vaccin en Svizra. Quai pudess dentant sa midar bainprest. En l’Uniun europeica è lubì il vaccin «Imvanex» cunter la virola da schimgias. En Svizra na saja dentant anc nagina dumonda da lubientscha vegnida inoltrada, ha communitgà Swissmedic, l’Institut svizzer per products terapeutics.
Tenor ordinaziun pon medis acquistar in pitschen quantum dal vaccin. Il producent na vul dentant betg furnir talas. Uss examineschia la Confederaziun da cumprar il vaccin, ha infurmà l’Uffizi federal da sanadad. L'infecziolog da l'Universitad Turitg, Jan Fehr, di ch'i saja impurtant da survegnir il vaccin uschè svelt sco pussaivel. Perquai che senza il vaccin na saja betg pussaivel da tegnair si il virus.
Ord l'archiv
Il cumenzemant da la virola da schimgias.
