En il Tessin avra la Confederaziun damaun trais ulteriurs passagis da cunfin. Tar Ponte Cremenaga, Brusino e Ligornetto vul ins in'emna avant il grond pass da schluccada prevegnir e levgiar il traffic da lavur sur il cunfin, sco l'Administraziun da duana scriva. Tut ils trais passagis da cunfin èn verts be durant l'emna e la bun'ura e la saira durant ch'i dat il traffic da lavur.
11 passagis da cunfin averts
Il traffic da cunfin è s'augmentà per radund 10% dapi che las mesiras da corona èn vegnidas schluccadas il glindesdi passà. Total datti en il Tessin radund dus tozzels passagis da cunfin. Da quels èn a partir da damaun 11 averts.