A partir da glindesdi curseschan ils blers autos da posta puspè sco avant la crisa da corona. Quai communitgescha l'AutoDaPosta. Ils passagiers duain planisar lur viadi cun agid dals uraris online, cusseglia l'interpresa. Ed els vegnian puspè a controllar ils bigliets.
Vinavant restricziuns
Restricziuns datti tuttina anc pervi da la crisa da corona. Ils bus da notg e las lingias turisticas na curseschan betg ed ils autos da posta na transportan nagins velos.
Vitiers supplitgescha Auto da Posta ils passagiers da sulettamain far viadis necessaris e da purtar ina mascra, sche la distanza minimala na po betg vegnir resguardada.
audio
Per tadlar: Las novitads da las 11:00 uras
ord Novitads dals 06.05.2020.
Maletg: Grafica RTR
laschar ir. Durada: 3 minutas 27 Secundas.
