Locatarias e locataris pon esser levgiads: En Svizra resta il tschains da referenza per locaziun tar 1,75 pertschient. Quai ha communitgà l’Uffizi federal d’abitaziuns.
Uschia na dastgian ils proprietaris da chasas betg augmentar il tschains da locaziun. L’onn passà è il tschains da referenza vegnì augmentà en dus pass da 1,25 sin 1,75 pertschient. Quai suenter che la Banca naziunala svizra ha midà sia politica monetara. En consequenza han intgins locaturs augmentà ils tschains per passa 10 pertschient.
Il tschains da referenza è vegnì introducì il 2008. Lura muntava el a 3,5%. Silsuenter è el sa reducì pass per pass ed è ditg stà tar 1,25 pertschient. Pir il zercladur 2023 è el per l’emprima giada s’augmentà. Quai suenter che la Banca naziunala svizra ha midà sia politica monetara.
