In’allianza vasta pretenda da sortir da la pandemia. L’auter mardi vulan l’Uniun d'artisanadi e mastergn, ulteriuras federaziuns interprofessiunalas e politichers burgais pretender dal Cussegl federal dad abolir gia il favrer las bleras restricziuns da corona – sco per exempel l’obligatori dal certificat da Covid u il dumber da persunas maximal. Quai rapporta la «NZZ am Sonntag» che sa basa sin pliras funtaunas betg numnadas.
Da prolungar las mesiras da corona na saja betg acceptabel per il mastergn, uschia l’allianza.
L’allianza veglia tranter auter proclamar in uschenumnà «Di da la libertad» tenor l’exempel d’auters pajais. In tal di propaghescha er la PPS che pretenda d’abolir l’obligatori da purtar mascrinas il mars.
La sanestra dentant ha avertì d’ospitals surchargiads e da persunal che crodia or en divers secturs.