Ch'ina sutga da la sutgera sur il Stoos en il chantun Sviz è crudada giu il favrer dal 2020 – è d'attribuir al fatg ch'ina suga da turn da la maschina da pista ha laschà pigliar ina sutga. E la finala ha la suga stgarpà giu la sutga, tenor il rapport final dal Sust, il Servetsch svizzer d'inquisiziun da segirezza. Vitiers vegn tenor il Sust, che per il viadi nocturn da la maschina da pista n'era betg vegnì dumandà ina lubientscha.
Da l'accident dal favrer 2020 tar la sutgera Mettlen-Fronalpstock sur il Stoos era ina persuna morta. Trais ulteriuras eran vegnidas blessadas grevamain.
