Affera Lauber - FIFA na survegn betg invista en las actas - Novitads

Affera Lauber FIFA na survegn betg invista en las actas

Terrada per la FIFA: En la procedura penala davart inscunters betg protocollads tranter il schef da la FIFA, Gianni Infantino e l’anteriur procuratur public general Michael Lauber, na po la FIFA betg prender invista en las actas. Quai ha decis il Tribunal penal federal.

Autur: SDA / Samuel Sossai

La Federaziun internaziunala da ballape aveva la stad passada pretendì da la Procura publica federala invista en las denunzias penalas cunter Lauber, Infantino ed ulteriuras persunas. Quai aveva la procura refusà cun raschun, sco il Tribunal penal federal ha constatà uss.