Siglir tar il cuntegn

Header

Il schef da l'armada Thomas Süssli.
Legenda: Keystone
cuntegn

Agid per ospitals Armada ha survegnì passa 100 dumondas per agid

L’armada ha survegnì passa 100 dumondas da sustegn or da l’entira Svizra en connex cun il coronavirus. Actualmain sajan var 200 militars en acziun – ha ditg il schef da l’armada Thomas Süssli al «Sonntagsblick». Fin proxima emna vegnian anc mobilisads 2'000 ulteriurs militars. Ensemen cun quels ch'èn il mument en la recruta èn quai radund 3'000 militars ch'èn pronts. Süssli fetschia quint che quels var 3’000 militars possian distgargiar ils ospitals a partir da l’emna che vegn. Era il corp da guardias da cunfin haja dumandà sustegn.

Tenor il schef da l’armada èn arrivads ils emprims 50 dad apparats da respirar il venderdi. L’armada aveva annunzià l’emna passada da cumprar anc 900 apparats sper ils 100 apparats da respirar ch’ella ha gia.

Ord l'archiv:

video
La pli gronda mobilisaziun dapi la segunda guerra mundiala
Or da Tagesschau dals 19.03.2020.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga