Il Cussegl naziunal na vul per il mument betg impunder tschintg milliardas francs per sustegnair l’Ucraina. La maioritad da la Chombra gronda ha refusà ina moziun da sia cumissiun per la politica exteriura. La fatschenta è cun quai giud maisa.
Ils daners fissan vegnids dabun ils proxims tschintg enfin diesch onns, tranter auter a l’agid umanitar ed a la reconstrucziun dal pajais. Sustegnì la moziun han la PS, ils verds ed ils verd-liberals. Cunter èn stads il Cussegl federal, la PPS, la PLD ed ina gronda part da l’Allianza dal Center.