Uschia hajan assicurads mess a quint custs da guariziun da passa 75 milliuns francs che na sajan betg stads giustifitgads. Quai ha communitgà l’Institut svizzer d’assicuranza d’accidents. Quai saja in lev augment cumpareglià cun l'onn avant. Tar ils pli blers quints refusads giaja per quints dubels, quints ch'èn vegnids quintà giu fauss u prestaziuns betg assicuradas sco era per cas gia serrads giu.
Sistem digital sortescha constellaziuns raras
Il 2018 ha la Suva elavurà 2,4 milliuns quints per prestaziuns da medis u terapias, uschenumnads custs da guariziun. La controlla dals quints vegn fatga a moda digitala. In sistem automatisà distingua, sche tschertas prestaziuns en ina constellaziun èn raras e sortescha ora tals quints per ch'i possian vegnir examinads a moda detagliada. Uschia hajan ins pudì spargnar passa 75 milliuns francs per custs da guariziun – quai correspunda a radund 6,5% da tut ils custs per guariziun.
Stgarpitschar è raschun principala
La raschun dals pli blers accidents en Svizra saja il stgarpitschar. In tal accident custia en media 6'000 francs. En cas extrems resultian però custs da fin a 120'000 francs.
RR novitads 11:00
