En media creschan las premias quest onn per 6,6%. Tenor ina retschertga represchentativa dal servetsch da cumparegliaziun Comparis midan perquai radund 27% lur assicuranza da basa. Quai saja in augment marcant cumpareglià cun ils ultims onns, nua ch'il dumber da quests ch'han midà cassa era tar sut 10%.
Nua mida la glieud?
Cunzunt la cassa da malsauns KPT pudess profitar da las midadas. Tenor atgnas indicaziuns quinta KPT cun radund 40% dapli clients ch’anc quest onn. Bleras persunas hajan fatg la midada dad Assura u Atupri tar la KPT. Plinavant ha Comparis constatà che blers segirads midan da la Visana tar la Helsana.
audio
Per tadlar: curt e cumpact
ord RTR Audio dals 22.12.2022.
laschar ir. Durada: 1 minuta 1 Secunda.
