Il manaschi a la plazza aviatica da Turitg è praticamain dà ensemen l'avrigl pervi da la pandemia da corona.
Total è il dumber dals passagiers sa reducì per 99 pertschient sin 27'000 cumpareglià cun l'avrigl da l'onn avant. La gronda part, bunamain 90 pertschient da quels, saja stads passagiers locals. Quai ha communitgà la direcziun da la plazza aviatica da Turitg.
Las raschuns per las reducziuns èn sper las mesiras d'urgenza dal Cussegl federal pervi dal coronavirus era ils scumonds da viagiar globals.
