La societad aviatica Swiss sgola a partir dal zercladur puspè pli savens.
Lura veglia la Swiss porscher 15 fin 20% da sia purschida oriunda. Quai ha il schef da la Swiss, Thomas Klühr, ditg.
Cunquai che differents pajais en l'Europa schluchian las proximas emnas puspè las restricziuns als cunfins creschia er la dumonda da sgols, ha Klühr argumentà en ina communicaziun. Il mument sajan 95% dals aviuns da la Swiss per terra.
Nus avain grond plaschair, dad uschia puspè pudair colliar pli ferm la Svizra cun il mund.
Era sgols en ils Stadis Unis
Davent da Turitg duai quai dar mintg'emna var 140 sgols per 30 lieus en l'Europa e da Genevra var 40 sgols per 14 lieus en l'Europa. Era sgols a lunga distanza duai quai puspè dar. Trais giadas l'emna vulan els sgular a l'eroport Newark en ils Stadis Unids. En il decurs dal zercladur duain lura ulteriurs vegnir tiers. Ultra da quai vegn la Swiss a far differents transports da vitgira.
