Siglir tar il cuntegn

Header

cuntegn

BAG conferma Quart cas da la virola da schimgias en Svizra

En Svizra datti entant in quart cas da la virola da schimgias. Quai ha communitgà l'Uffizi federal da sanadad senza far ulteriuras indicaziuns. Il terz cas aveva il BAG confermà la gievgia saira. Il pertutgà saja in um da 42 onns dal chantun Turitg che saja pli probabel s'infectà a l'exteriur cun il virus.

Era tar ils ulteriurs dus cas, dal chantun Berna e Genevra, sa tracti dad umens ch'èn pli probabel s'infectads a l'exteriur. L'Agid svizzer cunter AIDS ha entant lantschà ina campagna da prevenziun en quest connex vulan ins impedir ch'omosexuals e bisexuals vegnian stigmatisads.

Ils pli blers cas – ordaifer l'Africa – vegnan registrads il mument en Gronda Britannia, Spagna e Portugal. L'Organisaziun mundiala da la sanadad WHO ha registrà radund 200 cas ordaifer l'Africa. En tut sajan passa 20 pajais pertutgads.

Ord l'archiv

audio
Virola da schimgias: Tge è enconuschent? Tge fa BAG?
ord Actualitad dals 23.05.2022.
laschar ir. Durada: 5 minutas 2 Secundas.

RTR novitads 14:00

Artitgels legids il pli savens