Sin la plazza federala a Berna han enturn 300 persunas demonstrà oz suentermezdi cunter la politica da corona da la Confederaziun.
Lantschada è quella demo vegnida d'ina uniun cun il num Forum burgais Svizra. Ils commembers da quest forum sa cumponan da persunas cun in funs esoteric, adversaris da vaccinaziuns, pertutgads dal lockdown, ma er da tschertgels conservativs da la dretga. I ha era dà ina cunter-demonstraziun d'enturn 80 autonoms da la sanestra.
