Il project probablamain il pli pesant è la refurma da l'AVS. Davart quella debatescha il Cussegl dals chantuns mardi. Ils cussegliers n'èn sur tut betg d'accord co la renta per las dunnas duai vegnir gulivada sch'i ston lavurar pli ditg. Las discussiuns parlamentaras vegnan serradas giu il pli baud durant la sessiun d'enviern.
Finalmain vegni dentant a dar ina successiun per l'anteriur derschader federal Michael Lauber. Ils 29 da settember elegia l'Assamblea naziunala Stefan Blättler sco nov procuratur public general. La cumissiun parlamentara giuridica propona unanimamain il cumandant da polizia da Berna da 62 onns.
Er vegnir serrà giu duess il project davart pli severas cundiziuns per servetschs da streaming sco Netflix, l'uschenumnada «lex Netflix».
Café federal
En lur pli nova episoda dal Café federal han ils correspondents da RTR a Berna, Fabia Caduff ed Adrian Camratin, discutà davart in tema che vegn segir er anc a fatschentar ils politichers a en Chasa federala, il certificat da Covid.
