La gruppa dal Migros ha fatg l’onn passà ina svieuta da bunamain 32 milliardas francs. Cumpareglià cun l’onn avant saja quai in plus da bunamain 6%. Quai ha communitgà Migros. L'onn passà ha la Mirgos per l'emprima giada surpassà la marca da 30 milliardas francs.
Uschia saja la Migros vegnida pli datiers al Coop. La gruppa da commerzi en detagl basilais ch'è pli preschenta en l'exteriur che la Migros, ha l'onn passà be pudì augmentar la svieuta per 1,4% sin 34,7 milliardas francs.
Cunzunt sectur dad online e prestaziuns da sanadad creschidas
Surtut creschids saja tar la Mirgos per l'ina il sectur online cun 10,3% dapli svieuta sin 4,1 milliardas francs. Per l'autra er las prestaziuns da la sanadad – quai entras la cumpra da l'apoteca online «Zur Rose». Uschia che la svieuta è en quest sectur creschida per 71% sin 1,3 milliardas francs.Ma er il commerzi da viadis florescha. L'organisatur da viadis Hotelplan ha pudì augmentar la svieuta per bunamain 21% sin 1,7 milliardas francs.
La svieuta dal commerzi en detagl saja s’augmentada per 4,1% sin bun 24 milliardas francs. Surtut ils supermartgads saziunars (+3,6%) e la gastronomia da la Migros (+10,2%) èn creschidas fermamain.
Pli pauc svieuta tar ils martgads spezialisads
En vista a la concurrenza online saja la svieuta dals martgads spezialisads – sco p.ex. Melectronics. SportX e Micasa, sa reducida per 7,7% sin 1,5 milliardas francs.
Il gudogn vegni la Migros a communitgar ils 26 da mars ad ina conferenza da medias.
