Fitg dumandads sajan stads products svizzers. La clientella haja cumprà dapli products regiunals, dapli vin svizzer e dapli laina svizra. Er products da curtin u velos sajan stads fitg dumandads. Duront l'onn da corona haja er la vendita online contribuì bler al resultat. Durant e suenter il lockdown sajan las empustaziuns online creschidas per 60% cumpareglià cun il 2019.
En vista al 2021 numna la Landi differentas sfidas che sajan da dumagnar. Tranter auter vegnia pli grev da cumprar ma era da transportar rauba sin il martgà internaziunal. Plinavant saja sa constatar che tschertas materias primas vegnian pli stgarsas.