Cassas da cumpensaziun - 150'000 dumondas d'independents - Novitads

Cassas da cumpensaziun 150'000 dumondas d'independents

Las cassas da cumpensaziun han survegnì fin uss 150’000 dumondas d’independents per cumpensaziun dal gudogn. Durant ils proxims dis quintan las cassas cun radund 100’000 ulteriuras dumondas. Quai ha communitgà la conferenza da las cassas da cumpensaziun chantunalas.

Autur: SDA / Lea Livers

A l’entschatta dastgavan be independents ch'han stuì serrar lur fatschenta en connex cun il coronavirus dumandà per sustegn – l’emna passada ha il Cussegl federal alura decis ch'era persunas ch'èn pertutgadas mo indirect duain survegnir sustegn. Per las cassas saja quai in pensum enorm hai num en la communicaziun. Ils emprims pajaments per il mais mars duain vegnir fatgs ils proxims dis. Tenor in'emprima analisa survegnan ils independents en media radund 2'000 francs per mais.