A partir da quest mardi survegnan interpresas en il chantun da Turitg l'emprim agid per cas da direzza pervi da corona. En questa emprima runda paja il chantun radund 103 milliuns francs a 490 interpresas. Quai ha communitgà la direcziun da finanzas dal chantun.
Bunamain trais quarts da la summa sajan contribuziuns à fonds perdu. Dal rest sa tractia dad emprests che stoppian vegnir pajads enavos. La direcziun da finanzas haja survegnì bunamain 800 dumondas d’agid. Da quellas sajan radund 300 vegnidas refusadas.