Votantas e votants dal chantun Vallais èn da l'avis ch'ospitals e chasas d'attempads na dastgan betg impedir suicidis assistids. Radund 77% hajan acceptà ina lescha che fixescha quest princip, sco la chanzlia chantunala communitgescha. Er en la part tudestga dal Vallais saja il resultat cler, cun radund 66% da las vuschs.
Assistenza al suicidi en chasas da tgira
Vallais: Assistenza al suicidi en chasas da tgira
-
GEA
64'494 Vuschs
-
NA
19'756 Vuschs
Muntada politica
Cunquai na dastgan ospitals e chasas d'attempads en il Vallais betg scumandar il suicidi assistì. L'Allianza dal Center e la PPS dal chantun Vallais avevan argumentà cunter il dretg sin suicidi assistì. I saja fallà da sfurzar las instituziuns a quest princip.
Ils aderents per il dretg sin suicidi assistì han argumentà cun il dretg da decider sez. Cun il Gea è il chantun in dals sulets ch'ha reglà l'assistenza tar in suicidi en la lescha.
