Il chantun Zug rinforza las mesiras da protecziun cunter il coronavirus: A partir da sonda dastgan occurrenzas cun dapli che 100 persunas be pli vegnir manadas tras, sche las reglas da distanza pon vegnir resguardadas u sch’i vegn purtà mascras da protecziun. Quai ha communitgà la direcziun da sanadad dal chantun Zug.
Fin uss dastgavan occurenzas cun fin a 300 persunas vegnir manadas tras er senza tegnair ina distanza minimala e senza purtar mascrinas, sch'i vegniva furmà singuls secturs da persunas e registrà las datas da contact.
Avant paucs dis aveva gia il chantun Genevra rinforzà las mesiras per occurrenzas publicas e privatas.
