Tgi che ha prendì si a moda abusiva credits da covid – che la Confederaziun garantescha – duai pajar in chasti da fin 100’000 francs. Quai propona il Cussegl federal en il sboz da lescha davart las garanzias solidaricas, scriva l'agentura da novitads SDA.
La lescha duai remplazzar l’ordinaziuns d’urgenza davart ils credits da covid. Quella vala anc fin ils 25 da settember. Il parlament vegn a tractar ella probablamain en la sessiun d’enviern.
En tut han interpresas pitschnas e medias prendì si passa 135’000 credits per var 16,4 milliardas francs. Ellas ston pajar enavos els fin il pli tard en 5 onns. 80% dals credits sajan ids a firmas cun pli pauc che 10 plazzas cumplainas, scriva la SDA.
