L'Uffizi federal per sanadad BAG ha annunzià 10'466 infecziuns novas cun il coronavirus aifer in di en Svizra ed il Principadi dal Liechtenstein. La media dals ultims set dis è tar 7'540, quai che munta 28% dapli ch’avant in’emna. En quest temp hai era dà 22 mortoris.
Il Grischun ha dumbrà aifer in di 286 infecziuns novas. En ils ospitals grischuns sa chattan 63 persunas pervi da corona – quai è tuttina bleras sco il di avant. 7 da quellas èn sin ina staziun intensiva – e 5 dovran agid da respirar. Tenor la regenza grischuna è la situaziun en il mument critica.
