En Svizra crescha il dumber da persunas che vivan sulettas en ina abitaziun u chasa vinavant. Il 2022 viveva en mintga terz tegnairchasa be ina persuna. Quai mussan las novas cifras da l'Uffizi federal da statistica. Ils ultims 50 onns saja quest dumber cunquai creschì per quatter giadas. En passa in quart dals quatter milliuns tegnairchasa en Svizra, vivevan la fin dal 2022 pèrs senza uffants. Tar 29% sa tractia da famiglias cun uffants sut 25 onns.
En media vivan 2,18 persunas en in perchasa en Svizra.
Tegnairchasas da famiglias
La gronda part dals tegnairchasas cun uffants èn tegnairchasas cun omadus geniturs. In sisavel sajan tegnairchasas cun be ina persuna che educhescha.
La furma tradiziunala cun pèrs maridads cun uffants è derasada il pli ferm en ils chantuns da la Svizra Centrala. En ils chantuns da la Svizra romanda è questa furma tradiziunala betg la pli derasada. En il chantun Genevra, Neuchâtel e Vad fan tegnairchasas cun ina persuna che educhescha or la gronda part.
Or da l'archiv
Avair avunda spazi d'abitar è adina puspè in tema en Svizra dentant er en il chantun Grischun. Er la regenza ha sin l'agenda la problematica. Sco ch'ina analisa mussa contribuescha er il fatg ch'adina dapli persunas abiteschan persulas insatge a las stretgas da spazi.
