En l'avegnir dependi anc pli fitg da l'aura, quanta energia che vegn duvrada, ma er quanta che vegn producida, sco l’Agenzia internaziunala per energia communitgescha.
Pervi da la chalira da la stad passada en l'Europa, l'India e la China èn dapli indrizs da climatisaziun stads en funcziun, quai ch'ha augmentà il diever d'electricitad. Da l'autra vart vegn er adina stgaudà dapli cun forza electrica.
La producziun d'electricitad daventa adina pli dependenta da l'aura perquai ch'i vegnia produci dapli cun sulegl e vent. Perquai saja impurtant d'avair sistems d'electricitad flexibels e raits pli resistentas.
audio
Per tadlar: las novitads da las 12:00
ord RTR Audio dals 08.02.2023.
laschar ir. Durada: 5 minutas 33 Secundas.
