Siglir tar il cuntegn

Header

cuntegn

Commerzi cun Russia Scheffa dal Seco vul megliera survista sur commerzi da materia

I mancan cifras davart il commerzi cun materia prima da la Russia en Svizra, ha Helene Budliger ditg en la «Samstagsrundschau» dad SRF. Budliger è la scheffa dal Secretari statal per l'economia Seco. Ella ha annunzià da rimnar dapli statisticas davart quai ed ha dà l'incumbensa per in studi extern.

Ella di dentant che betg tuts commerziants da materia prima fetschian commerzi cun la Russia. Ed ils commerziants hajan detg ad ella «crediblamain» ch'els hajan reducì il commerzi cun la Russia.

Export d'armas e sancziuns

Er sch'il Cussegl federal ha refusà da laschar surdar armas a l'Ucraina, spetga Budliger ch'el vegn anc ina giada a discutar quai. Era perquai ch'il parlament sa fatschenta anc ina giada cun quella dumonda. Sche la Svizra restia tar sia posiziun actuala – damai da betg furnir armas – pudess quai donnegiar l’economia svizra, uschia Budliger.

Ils pajais vischinants vegnian probablamain a cumprar pli paucas armas en Svizra, sch'i na dat nagina lubientscha da dar vinavant armas, di Budliger. En general èn ils pajais vischinants ed ils Stadis Unids dentant cuntents, co che la Svizra ha mess en pratica las sancziuns cunter la Russia.

RTR novitads 17:00

Artitgels legids il pli savens