Il dossier da pazients electronic en Svizra duai vegnir administrà en in lieu central. Quai pretenda la Controlla federala da finanzas. Ozendi datti 8 differentas societads che gestiuneschan quel. La Controlla da finanzas cusseglia ussa da surdumandar questa organisaziun decentrala da l'economia privata.
Gia durant la consultaziun davart la revisiun da la lescha correspundenta saja vegnì fatg la pretaisa da centralisar il dossier da pazients. Il Cussegl federal vul ch'i vegn avert per mintgina e mintgin en Svizra ina tala acta da pazients sche quai è giavischà. Là duai per exempel vegnir deponì maletgs da radiografia.
