La Crusch cotschna svizra sustegna a partir dad immediat il persunal en ils centers da vaccinar, ospitals sco era chasas d'attempads e da tgira. Engaschads vegnan voluntarias e voluntaris cun cumpetenzas medicinalas.
Las autoritads chantunalas coordineschan ils engaschis. Tenor communicaziun da la Crusch cotschna haja la confederaziun dumandà per agid perquai che l'actuala unda da corona engrevgeschia fermamain il persunal da sanadad.
